อ้ายคนต่างถิ่น ได้มาเช็กอินอยู่เมืองหมอแคน
ออนซอนนครขอนแก่น ดินแดนหมอลำ เลิศลำคำเว้า
ผ้าไหมงดงาม คูณเหลืองอร่าม ตำนานไดโนเสาร์
วัฒนธรรมอีสานบ้านเฮา พ้อหน้าเอิ้นกินข้าวปานพี่น้องกัน
ฮ่วมงานผูกเสี่ยว นั่งปั้นข้าวเหนียวเคียงสาวคนไค
พบพ้อวันเที่ยวงานไหม น้องงามบาดใจจนอ้ายไหวหวั่น
ช่างเป็นบุญตา แม้นวาสนาฟ้าช่วยบันดาล
อยากเคียงคู่เจ้าจอมขวัญ อยากฮู้เจ้านั้นมีแฟนแล้วไป่
หากใจยังว่าง น้องซ่อยเปิดทางให้อ้ายได้บ่
คนผู้ฮ้ายแต่หัวใจหล่อ อยากขอสานต่อ ร่วมเฮียงเคียงใกล้
บ่ได้มาตั๋ว อ้ายฮักทูนหัวไปแล้วหมดใจ
หากอ้ายตั๋วเจ้าขอให้ ไดโนเสาร์ใหญ่เหยียบอ้ายจมดิน
อ้ายคนพลัดถิ่น อยากมาอยู่กินกับสาวเมืองแคน
สิยอมแล่นอ้อมบึงแก่น หากควงแขนเป็นแฟนอยู่กิน
พระธาตุขามแก่น ยอมือสุดแขนบอกให้ได้ยิน
ว่าลูกมาขออยู่กิน ขอเป็นเขยถิ่น ดอกคูณเมืองแคน
หากใจยังว่าง น้องซ่อยเปิดทางให้อ้ายได้บ่
คนผู้ฮ้ายแต่หัวใจหล่อ อยากขอสานต่อ ร่วมเฮียงเคียงใกล้
บ่ได้มาตั๋ว อ้ายฮักทูนหัวไปแล้วหมดใจ
หากอ้ายตั๋วเจ้าขอให้ ไดโนเสาร์ใหญ่เหยียบอ้ายจมดิน
อ้ายคนพลัดถิ่น อยากมาอยู่กินกับสาวเมืองแคน
สิยอมแล่นอ้อมบึงแก่น หากควงแขนเป็นแฟนอยู่กิน
พระธาตุขามแก่น ยอมือสุดแขนบอกให้ได้ยิน
ว่าลูกมาขออยู่กิน ขอเป็นเขยถิ่น ดอกคูณเมืองแคน